Ti , Dritë apo Rreze nga poetesha Elvira Zeneli

Elvira Zeneli

Ti, Dritë apo Rreze?

Nga cila ëndërr dole, dritë e zemrës sime?
Si rrezet e diellit ti ndriçon, ta dish.
Je ëndërr, je erë, je zjarr që më djeg,
Puthjet që më prekin e më ikin sërish.

Nëse je gonxhe — kush të ka mbirë?
Nëse je zë — kush të ka thirrë?
Nëse je diell — kthehu zemrës time,
Zemrën ma more vetëm me shikime.

Mos je thëllëz që nuk kapesh dot,
A një engjëll që humbe në botë?
Kush të ka gdhendur në dritë e në zjarr,
Si statujë e shpirtit, e butë e rrallë?

Fol, moj thëllëz, që këndon mbi derë,
Mos je nga mali ku fjala s’ka frerë.
Jam bijë arbërore, si bijë e diellit,
Fluturoj e lirë si shqiponjë e qiellit.

Jam si yll i ndritshëm,
Që vallëzoj mbi zemër.
Një ditë do të flasë,
Me dashurinë, pa shqiptuar emër!