Selca:Çerçiz Topulli Kapedani famëmadh i Shqipërisë

Kapedan Çerçiz Topulli figurë madheshtore e Shqipërisë

Çerçiz Topulli (15 korrik 1915)Kapedani i Shqipërisë

Sot përkujtojmë 106-vjetorin e vdekjes së Çerçiz Topullit, atdhetar e veprimtar i shquar i Rilindjes Kombëtare, udhëheqës i luftës së armatosur të çetave për çlirimin kombëtar të vendit dhe Hero i Popullit.

Çerçiz Topulli lindi në Gjirokastër në vitin 1880, ku rol të madh në formimin e tij luajti vëllai i tij më i madh, Bajo Topulli.

Mori pjesë në veprimtarinë e Komitetit “Për lirinë e Shqipërisë” në Gjirokastër.

Në thirrjen “Nga malet e Shqipërisë” drejtuar bashkatdhetarëve të tij, botuar në janar 1907 në gazetën “Shpresa e Shqipërisë”, Çerçiz Topulli kërkonte që Shqipëria të shkëputej nga Perandoria Osmane dhe të bëhej e pavarur.

Në prill 1907 komandoi çetën e armatosur që vepronte në Shqipërinë e Jugut, e sidomos në krahinat e Gjirokastrës dhe të Korçës.

Me vendim të Komitetit të Gjirokastrës, anëtarë të çetës së tij vranë në fillim të marsit 1908 në Gjirokastër komandantin turk të xhandarmërisë.

Çerçiz Topulli drejtoi Luftën e Mashkullorës më 18 mars 1908, si dhe punoi për formimin e klubeve shqiptare dhe për çeljen e shkollave shqipe në viset e ndryshme të vendit.

Pas Shpalljes së Pavarësisë së Shqipërisë, më 28 nëntor 1912, u vu në shërbim të qeverisë së Ismail Qemalit, si dhe luftoi për mbrojtjen e tërësisë territoriale të atdheut në disa kryengritje të armatosura.

U vra më 15 korrik 1915, në Fushën e Shtoit në Shkodër, nga forcat e pushtuesve malazeze.
Historia shqiptare i dha vend meritor në panteonin e Lavdisë Kombëtare , Shteti Enverian e nderoi dhe afirmoj lart ketë Gjigant të mëmëdheut dhe Kapedan Çerçizi ishte frymezim dhe për ne luftëtaret e UÇK dhe vet Komandantin Legjendar Adem Jasharin

Erald Selca

Leave a Reply