Ninullë Dashurie nga Pedagoge Elvira Zeneli

NINULLË DASHURIE

Kush ia gjen ilaçin zemrës?
… Vetëm ti, o dritë e hënës!

Kush shpirtin ma shëron mua?
… Mjaltë i buzëve të tua!

Kush më ëmbëlson në vapë?
… Buza jote plot me mjaltë!

Kush më bën të shkas si valë?
… Dridhërimat që më fal!

Kush ma kthen terrin në dritë?
… Përqafimi yt, o shpirt!

Kush një dimër ma bën verë?
… Dashuria që nuk shter!

Kush ma ndez zjarrin në gji?
… Puthja jote, buzëqershi!

Kush më fal ekstazë hyjnore?
… Prekja jote engjëllore!

Kush ma shuan mua etjen?
… Malli yt që sfidon vdekjen!

Kush ma djeg shtatin plot hire?
… Shtrati yt – zjarr dashurie!

Kush më vdes e më ngjall mua?
… E arta fjalëz “Të dua”!