Kanita Spahiu Kampione me meritë

Sot është një ditë krenarie e madhe për ne! Vajza jonë Kanita, që me shumë përkushtim dhe zemër përfaqëson Kosovën në mundje, edhe një herë tregoi forcën dhe talentin e saj. Në turneun ndërkombëtar për femra “Heroinat e Kaçanikut”, ajo u shpall kampione, duke zënë vendin e parë në kategorinë 55 kg.

Ky sukses nuk vjen rastësisht – është fryt i punës së palodhur, disiplinës dhe sakrificës së saj çdo ditë. Ne si familje jemi jashtëzakonisht krenarë për rrugën që ajo po ndërton.

Faleminderit shumë të gjithë atyre që ishin të pranishëm dhe e mbështetën, si dhe një falënderim i veçantë për trajnerin Ferat për përkushtimin dhe punën e tij të palodhur.

Urime kampiones sonë – kjo është vetëm fillimi i sukseseve të mëdha që e presin! 🇽🇰💪shkruan i ati i saj Burim Spahiu