Në vendin tim nga e mirënjohura Ganimete Jakupi

NË VENDIN TIM…

Në vendin tim ndodhin shumë çudira,
Sa në fije nuk i bjen,
Cila është e keqja e cila e mira!

Ai që ka vlera shpesh nënçmohet,
E ai dallavergjiu në qiell çohet,
Pa meritokraci mbret bëhet.

Në vendin tim ka shumë katrahuzë,
Cili të mundet tjetrin e përbuzë,
Për bajraktarizëm lufton çdokush.

Në vendin tim shpesh e vërteta lakohet,
Sipas interesit fjala shpesh ndërrohet,
E drejtësia shumë shpejt harrohet.

Në vendin tim, kush hesht më pak gjykohet,
Kush flet drejt shpesh largohet,
E kush serviloset veç lartësohet.

Në vendin tim kujtesa bëhet sipas nevojës,
E vërteta lakohet sipas kohës,
Dhe historia nganjëherë shkruhet sipas zërit të forcës.

Në vendin tim premtohet shumë e bëhet pak,
I thurim lavde vetes në çdo hap,
Kush nuk na njeh fort, lakmi na ka.

Në vendin tim pushtetet vijnë e e shkojnë,
Por etja për to kurrë nuk pushon,
Dhe harrojnë se një ditë gjithçka mbaron.

Në vendin tim kush të mundet tjetrin e etiketon,
Besa edhe të gjitha të mirat ia mohon,
Suksesin asesi s’ia pranon.

Në vendin tim nuk di a mbet ndonjë njeri i mirë?!
Se për së gjalli të groposin,
E veç kur të vdesësh, në piedestal të lartësojnë.

#fypシ゚viralシ #fypシ゚ #facebookreels #shqiptaretneperbote #fypviralシ #kosova @highlight