21 Vite nga Rënia e Trimave në Lug të Baranit

21 Vite nga rënia heroike e Fetah Selces , Islam Berishes , Muharrem Këlmendit , Adrian Këlmendit në Lug të Baranit

Sot u bën 21 vite nga rënia heroike e dëshmorëve të kombit Fetah Selca , Muharrem Kelmendit , Islam Berishes dhe Adrian Kelmendit luftetar të shquar të UÇK-së të Brigades 135 Agim Zeneli në ZOD të Komandanti famëmadh Ramush Haradinaj .

Me 25 Maj të vitit 1999 në Buçan, të Lugut të Baranit në një nga betejat më të përgjakshme mes forcave tona dhe atyre serbe në një betejë fytë me fytë ranë trimat tonë Fetahu , Lami ,Adriani e Muharremi kurse u plagos për vdekje luftetari trim Sali Krasniqii i cili mbijetoi falë ndërhyrjes stafit mjekesor të UÇK-së në krye me heroinen e gjallë Hidajete Krasniqi e cila me dr.Ali Berishen ka shpetuar shumë jetë njerëzish .

Këta luftëtar eminent ishin krenaria e aradhave çlirimtare madje janë dekoruar nga Presidenti Thaçi

Në këtë betejë forcat serbe armike pesuan humbje te medha në teknikë ushtarake dhe njerëz sepse snajperi i të pavdekshmit mërgimtarit Fetah Selca po palonte armiqet për tokë , kallashnikovet e deshmoreve tonë dhe luftetareve tanë po i tregonin Serbisë që po ju vjen fundi liria po vinte UÇK-ja kudo në rrafshin ushtarak-politik po shenonte fitore sebashku me aleatet .

Lavdi dëshmorëve tonë që në lule rinisë dhanë jetën për ne liri , çlirim e bashkim kombëtar .

Dëshmoret janë ajka jonë , janë udhërrefyesi ynë pa luftë liria nuk do vinte kurrë .

Fetahu , Islami , Adriani , Muharremi tashmë janë në librin e artë të historisë sonë kombëtare .

Lavdi dëshmorëve , Rroftë Kombi Shqiptar u realizoftë amaneti i dëshmorëve .

ERALD SELCA

Leave a Reply

Your email address will not be published. Required fields are marked *